Get Eat Ready
32

粟米|【煮到嚟就識】|第7集

2019-03-07


船到橋頭自然直,【煮到嚟就識】,今次嘅主角係~粟米!

粟米原產於中美洲,係世界上產量最高嘅主要糧食。除咗係我地日常食糧之外,粟米仲有好多用途,包括用作動物飼料、生產乙醇燃料等。


早喺哥倫布時期,粟米已經係安地斯山脈地區嘅重要農作物。當地印第安人每次喺粟米豐收後,都會要圍住粟米跳舞慶祝,仲會祭祀佢地嘅粟米神。可想而知粟米對佢地嚟講幾咁重要!


粟米除咗係主要糧食,佢仲係唔少藝術家嘅靈感泉源。1990年諾貝爾文學獎得主係一位墨西哥詩人,佢嘅詩詞入面就不停有提到粟米;另外喺秘魯北部,有唔少陶器都係以粟米為主題;就連美國嘅國會大廈上刻咗唔少粟米穗雕刻。大家都不妨留意一下現代造型藝術品,有唔少都係以粟米作為創作靈感㗎~


時間到,下次見!

Get Eat Ready

Get Eat Ready